Image description
Дэлхийн 8 орон оролцсон Олон улсын цэргийн тэмцээн өндөрлөж, манай монголчууд хоёрт орж мөнгөн медаль хүртсэн байна. 2021 оны “Морин марафон”, “Цэргийн ралли” тэмцээнд Монголоос гадна Орос, Хятад, Израиль, Белорусс, Серб, Казахстан, Узбекистан улсын Зэвсэгт хүчин хүчээ сорьж өрсөлдлөө. 
Эдгээр тэмцээн Оросын Тува улсад Енисей мөрний эрэг дагуу 3 районд, мөн Хар Хаак полигон дээр 8 сарын 22-29-нд явагдав. “Морин марафон 2021”-т Орос улсын цэргүүд тэргүүлсэн бол хоёрдугаар байрыг Монгол, Узбекистаны арми хуваажээ. Харин Казахстаны цэргүүд энэ тэмцээний гуравдугаар байрыг эзлэв. Түүнчлэн “Цэргийн ралли” тэмцээнд Орос улсын цэргүүд манлайлсан бол дараа нь Хятад улс орж мөнгөн медаль авсан, хүрэл медалийг Серб улсын арми хүртлээ.