Image description
Коронавирүсийн 5-р давалгаа асар хурдтай тархаж байгаа тухай Францын эрх баригчид сэрэмжлүүлсэн гэж “Эроп-1” радио станц мэдээллээ. Тус орны Засгийн газрын төлөөлөгч Габриель Атталь “COVID-19-н 5-р давалгаа хоромхон зуур тархаж байна гэж хэлж болно. Азаар манай улсад вакцинжуулалт өргөн цар хүрээтэй явагдаж байгаа, энэ тал дээр бид хөрш орнуудын урд гишгэсэн... Одоо эрх баригчид ариун цэвэр, халдваргүйжүүлэлтийн паспорттой болохоор төлөвлөж байна” гэж ярьжээ. Өнгөрсөн долоо хоногт Францад коронавирүсийн халдварын тоо 80% өсчээ. Өмнө нь 7 хоногт ковидын өвчлөл 100 мянган хүнд 100 байсан бол одоо бүр 164 хүрэв. Харьцуулахад, 11 сарын 13-нд Францад хоногт 9458 халдвар шинээр илэрсэн, гэтэл 11 сарын 20-нд бүр 17153 болсон. Өмнө нь 21 хоногт ийм тооны хүн ковидоор өвчилж байсан юм. 22,6 мянган хүн шинээр халдвар авч 23 хүн ковидын хүндрэлээс болж нас барсан" тухай Францын Эрүүл мэндийн яам мэдээлжээ. 
Нэмж өгүүлэхэд, энэ сард Австри, Герман, Нидерланд зэрэг Европын холбооны олон оронд коронавирүсийн халдварын тоо нэмэгдсээр байна. Энэ талаар Дэлхийн эрүүл мэндийн байгууллагын бүс нутгийн захирал Ханс Клюге мэдэгдэл хийхдээ "Цар тахлыг тогтоон барих талаар нэмэлт арга хэмжээ авахгүй бол энэ өвөл Европт 500 мянга хүртэл хүн ковидоор өнгөрч магадгүй" гэж анхааруулав.