Image description
“Америк гүрний задралыг ойрын хугацаанд хүлээлтгүй, гэхдээ ирээдүйд задарч бутрах магадлал бий. Гэтэл XXI зуун эхэлж байхад ийм таамаг ч байгаагүй” хэмээн “Bloomberg” агентлагийн тоймч Макс Гастингс бичжээ. Тэрбээр энэ дүгнэлтээ Виржиний их сургуулийн асуулган дээр суурилан хийсэн аж. Судалгаанаас үзэхэд, экс Ерөнхийлөгч Трампыг дэмжигчдийн 52% нь “Бүгд найрамдах намыг дэмждэг мужууд одоо АНУ-ын бүрэлдэхүүнээс гарч тусгаар улс байгуулах ёстой” гэж хариулсан байна. Хачирхалтай мэт боловч яг ийм байр суурийг өнөөгийн Ерөнхийлөгч Байденыг дэмждэг иргэдийн 41% нь  илэрхийлжээ. “Америкчууд хэзээд улстөрийн үзэл бодол ба амьдралын хэв маягаараа хуваагдаж ирсэн. Улстөрийн энх тайвны төвийг дахин сэргээхийн тулд иргэдийн буу зэвсгийг хураах бодлогыг явуулах ёстой. Гэтэл Америкийн иргэд ийм алхам хийхийг хүсдэггүй. Түүнчлэн АНУ-ын хагарлын үндэс суурь нь арьс өнгөний асуудал, чухам тэр л зайлшгүй гай зовлон учруулна” гэж Макс Гастингс онцлон тэмдэглэв. 
Сонирхуулахад, Америкийн сэтгүүлч, шинжээч Эрик Бест өмнө нь “Өрнөдийн орнууд өөрсдийгөө устгаж эхэллээ... АНУ-ын гол асуудал бол манлайлж тэргүүлэх гэсэн үзэл санаандаа хэв автсан явдал” гэж сэрэмжлүүлж байсан юм.