Дэлхийн хоккейн од бөгөөд ОХУ-ын парламентын Эколог ба байгалийн баялаг, байгаль орчныг хамгаалах хорооны дэд дарга  Вячеслав Фетисов 3 сарын 8-нд сая сая хүмүүсийн шүтээн болсон алдартай хоккейчдыг цуглуулж Байгаль нууран дээр хоккейдов. Дэлхийн хамгийн гүн нуурыг мөсөн тулааны талбар болгохыг Оросын Спортын сайд асан Вячеслав Фетисов санаачилсан аж. Тэрбээр бас Арктик, Антарктидын хариуцсан НҮБ-ын энхийн элч юм байна. “Бид соёлжсон жуулчлалыг хөгжүүлэхийг уриалж байна, мөн амьдралын эрүүл хэв маягийг сурталчлах, Байгаль нуураа хамгаалах зорилгоор энэ арга хэмжээг зохиосон. 400 үзэгчтэй мөсөн стадионтой, бас худалдаа, концертын хөтөлбөртэй” гэж уг тэмцээнийг зохион байгуулагчид ярилаа. 
Эрхүү хотоос 100 км-т оршдог “Большое Голоустное” суурины ойролцоо тэмцээн явагдав. Домогт Фетосовтой цуг Олимпийн болон дэлхийн олон удаагийн аваргууд, Стэнли цомын эзэд болох Алексей Касатонов, Валерий Каменский, Андрей Коваленко, Алексей Жамнов, Александр Якушев нар нисч иржээ. Дэлхийн спортын оддоос бүрдсэн "Домгийг баг"-ийг Фетисов ахлав. Харин тэдний эсрэг Эрхүү мужийн шигшээ талбайд гарчээ. Эрхүү мужийн амбан захирагч Игорь Кобзев биечлэн багаа толгойлж орсон байна. Сонирхуулахад, Байгаль нууранд мөн парламентын депутат, Олимп ба дэлхийн аварга, уран гулгагч Ирина Роднина бас хүрэлцэн иржээ.
Эрхүүгийн Амбан захирагч Кобзев финалын шүгэл дуугарахаас 30 секундийн өмнө амжиж гоол оруулсын ачаар тэмцээн 6:6 харьцаатай өндөрлөв.