Сири улсын Ерөнхийлөгч Башар Асад 3 сарын  15-наас Орос оронд айлчилж байна.  Тэрбээр ОХУ-ын тэргүүн Владимир Путинтэй уулзахдаа “Дэлхийн III дайн эхэлсэн, хэлбэр нь өөр. Дэлхийн өмнөх 2 дайн уламжлалт байдлаар өрнөсөн бол одоо прокси-дайн болж байна. Энэ нь орчин үеийн зэр зэвсэг, ялангуяа цөмийн зэвсэгтэй холбоотой. Украины Ерөнхийлөгч Владимир Зеленский өнөөдөр нацистуудаас бүрдсэн өөрийн армиар Өрнөдийн өмнөөс дайтаж байна. Сирийн нөхцөл байдал ч ижил төстэй, манайд Өрнөдийн өмнөөс террористууд байлдаж байгаа” хэмээн мэдэгдэв. 
Сири түүнчлэн Оросын шинэ хилийг хүлээн зөвшөөрчээ (өөрөөр хэлбэл саяхан дагаар орсон Донецк, Луганск, Херсон, Запорож мужуудыг). "Миний бодлоор дайн болоогүй байсан ч эдгээр муж бол Оросын уугуул газар нутаг юм. Үүнийг түүхэн баримтууд нотолдог. Харин 100-гаад жилийн өмнө буюу Лениний үед эдгээр нутгийг Украинд шилжүүлсэн байсан. Бид бүр Орост нэгдэхээс өмнө буюу зун Донецк, Луганскийг тэднийх гэж хүлээн зөвшөөрсөн юм. Энэ асуудал анхнаасаа л бидний хувьд тов тодорхой, бид энэ байр сууриндаа огт эргэлзэхгүй байна. Тэнд орос иргэд амьдардаг" хэмээн Сирийн тэргүүн Башар Асад ярьжээ,