Авлигачдаас хураасан мөнгөөр 62 сургууль барих тушаалд Казахстаны Гэгээрлийн сайд Гани Бейсембаев гарын үсэг зурсан тухай тус орны ХМХ мэдээллээ. Казахстаны Ерөнхийлөгчийн өгсөн үүрэг даалгаврын дагуу Эрүүгийн хуулийн авлигын зүйл ангиар яллагдсан этгээдүүдээс хураан авсан хөрөнгө мөнгийг “Боловсролын дэд бүтцийг дэмжих сан”-д цуглуулдаг аж. Одоогийн байдлаар тус сангийн дансанд 120 тэрбум тенге буюу 269,5 сая доллар хуримтлагджээ. Энэ мөнгийг сургуулиудыг засварлах, өргөтгөх болон шинэ сургууль барихад зарцуулах юм байна. "Одоо 62 сургуулийг тэлж өргөтгөх буюу барихад зориулан 216,7 сая долларыг төсөвлөсөн. Ер нь 2023 онд 70 гаруй сургуулийг барьж засварлах төлөвлөгөөтэй" гэж Казахстан улсын Гэгээрлийн сайд Гани Бейсембаев мэдэгджээ.  
- Астан хотод 7425 сурагч сурах 10 сургууль.
- Алма-Ат мужид 11 550 сурагч сурах 10 сургууль. 
- Туркестан мужид 2050 сурагч сурах 9 сургууль.
- Жамбал мужид 2850 сурагч сурах 6 сургууль.
- Кизилорд мужид 2175 сурагч сурах 5 сургууль.
- Мангистауск мужид 4800 сурагч сурах 4 сургууль
- Акмолинск мужид 600 сурагч сурах 2 сургууль
- Актюбинск мужид 620 сурагч сурах 3 сургууль
- Атырауск мужид 1200 сурагч сурах 2 сургууль
- Дорнод –Казахстан мужид 900 сурагч сурах 2 сургууль
- Баруун –Казахстан мужид 708 сурагч сурах 2 сургууль
- Костанайск мужид 1080 сурагч сурах 2 сургууль
- Хойд –Казахстан мужид 900 сурагч сурах 2 сургууль
- Жетысуск мужид 1200 сурагч сурах 1 сургууль
- Улытауск мужид 200 сурагч сурах 1 сургууль
- Павлодарск мужид 312 сурагч сурах 1 сургууль. 
#МЦогзолмаа орчуулав