"Хятадын Хонконг 2023 оны 1 сарын 30-наас эхэлж коронавирүстэй өвчтөнүүдэд тогтоосон зарим хоригийг цуцлах болно гэж тус автономт нутгийн тэргүүн Жон Ли мэдэгдлээ” хэмээн “RTHK” радио станц дамжуулав. Өөрөөр хэлбэл, “COVID-19”-тэй хүмүүс цаашид хувийн мэдээллээ эмнэлгийн байгууллагуудад онлайнаар мэдээлэх шаардлагагүй болж 5 өдөр л тусгаарлагдах аж. “Орон нутгийн иргэдийн дархлааны түвшин нэмэгдсэнтэй холбоотойгоор бид коронавирүсийн эсрэг авч буй арга хэмжээгээ сулрууллаа. Вакцинжуулалт амжилттай явагдаж мөн коронавирүсээр хөнгөн халдварлаж буйн улмаас ард иргэд дархлаатай болсон” хэмээн Хонконгийн тэргүүн Жон Ли мэдэгдэв. 
Өрнөдийн ХМХ харин Хятадын талаар таагүй мэдээ цацсаар байна. “Хятад улсын дарга Си Жинь Пин Бээжин хотод Ардын хурлын ордонд үг хэлэхдээ коронавирүсийн тархалтад сэтгэл түгшиж буйгаа илэрхийлэв. Тэрбээр ялангуяа хөдөө нутаг, хөдөөгийн иргэдэд их санаа зовж байна. Цар тахлын эсрэг арга хэмжээний шинэ үе шатыг эхлүүлнэ гэж Си дарга мэдэгдсэн. Тэрбээр ийнхүү эрүүл мэндийн салбарын нөхцөл байдал муудаж буйг хүлээн зөвшөөрлөө... Нийгмийн халамжийн байгууллагууд, Ахмад настнуудыг асрах газарт ариун цэвэр, халдваргүйжүүлэлтийн хатуу арга хэмжээ авч дагаж мөрдөхийг Си дарга үүрэг болгов” хэмээн “Financial Times” сонин бичжээ.