Хүмүүс 35 нас хүрээд булчингийн массаа алдаж эхэлдэг ба энэ үйл явц 50 наснаас хойш улам хурдасдаг юм байна. Хэрэв юу ч хийхгүй, ямар ч арга хэмжээ авахгүй бол 80 настнууд булчингийн массынхаа 30%-г алддаг аж. Энэ байдлыг өөрчлөх аргыг эрдэмтэд олжээ. 
АНУ-ын Арканзас болон Калифорний их сургуулийн эрдэмтэд бие биеэс хамааралгүй шинэ нээлт хийсэн байна. Тэд оготно дээр туршилт явуулсан ба тэдний судалгааны үр дүнг “Journal of Physiology” нийтэлжээ. “Хүндрүүлэгчтэй дасгал хийх нь булчингуудыг залуужуулдаг. Ийм дасгал нь булчингийн эсүүд дэх бодисуудын бүтцийг өөрчилж эсүүд нь яг залуу мэт болдог. Өдөрт 10-15 минут дасгал хийхэд үр дүн гарч эхэлнэ” гэж эрдэмтэд мэдэгдлээ. Хэрэв та 7 хоногт дор хаяж 1 цаг дасгал хийдэг бол яс хугарч гэмтэх нь багасч булчингууд бэхжиж эхэлнэ. Тиймээс бат бөх яс, хүчирхэг булчинтай байх эсэх нь зөвхөн танаас хамаарна, өөрөөр хэлбэл дасгал сургуулилтаас.