“AstraZeneca” компани дэлхийн өнцөг булан бүрээс “COVID-19”-н эсрэг вакцинаа буцаан татаж эхэлсэн тухай “The Telegraph” сонин мэдээллээ. Тус компани өмнө нь өөрийн вакциныг тромб үүсгэдэг гэдгийг Шүүх хурал дээр хүлээн зөвшөөрсөн юм. “Шүүхийн шийдвэрээс гадна манай вакцины эрэлт буурсан учраас бид бүх зах зээлээс вакцинаа буцааж татахаар шийдсэн билээ. Манайх энэ вакцины үйлдвэрлэлийг зогсоосон, худалдахаа больсон. Яагаад гэвэл, манай вакцин ижил үйлчилгээтэй бусад вакцинтай харьцуулахад үр дүн муутай байсан юм” хэмээн “AstraZeneca” компаний мэдэгдэлд дурджээ. Энэ компаний вакцины харш нөлөө, сөрөг уршиг дагаврын тухай бүр 3 жилийн өмнө буюу Цар тахлын үеэр мэдээлэл цацагдаж байсан билээ. 
““AstraZeneca компаний "Vaxzevria" гэдэг вакциныг Европын холбооны гишүүн орнуудад 5 сарын 7-ноос ашиглахыг хориглосон... Ойрын сарууд Англи болон бусад орноос вакцинаа буцаан татна” гэж ХМХ мэдээлэв.