Эрдэмтэн Жоэл Рюти хамт ажиллагсдын хамт Арктик ба Альпид бага температурт хуванцар боловсруулж задлах чадвартай микро организмуудыг илрүүлсэн тухай “Frontiers in Microbiology” мэдээллээ. Тэд 126 хоногийн турш микро организмуудыг судалжээ. 
Орчны агаарын температур 15 градус байх үед полиуретаныг боловсруулдаг 11 төрлийн мөөг, 8 төрлийн бактерийг Гренланд, Шпицберген, Швейцариас олж тогтоожээ. Харин “PBAT”, “PLA” хуванцрыг 14 төрлийн мөөг, 3 төрлийн бактери боловсруулж чадаж байв. Гэхдээ тэдгээрийн аль нь ч полиэтиленыг боловсруулж чадахгүй аж. “Ургамлын полимерүүдийн задралын улмаас эдгээр бактери, мөөг ингэж хуванцар боловсруулах чадвартай болсон. Нийтдээ мөөгний 15 штамм, бактерийн 19 штамм байна” гэж эрдэмтэд тайлбарлалаа. 
Өмнө нь иймэрхүү үйлчилгээтэй микро организмуудыг илрүүлсэн ч дандаа 30 градусаас дээш үед  хуванцрыг задалж байв, иймээс тэдгээрийг ашиглахад маш өндөр өртөг зардал гарах байсан. Харин Арктик, Альпаас олдсон эдгээр микро организмуудыг ирээдүйд хог хаягдлыг дахин боловсруулахад ашиглах боломжтой гэж эрдэмтэд үзжээ.