Дэлхийн эрүүл мэндийн байгууллага “COVID 19-н өвчлөлийн тоо дэлхий даяар, ялангуяа Англи болон Америк, Хятадад нэмэгдэж байна. Коронавирүсийн шинэ хувилбар “Eris” буюу EG.5 өнөөдөр дэлхийн 51 оронд илэрсэн Омикроны суб хувилбартай холбоотой EG.5 штамм эрүүл мэндэд ноцтой аюулгүй, гэхдээ шинэ давалгаа дэгдэж болзошгүй тухай сэрэмжлүүлж байна” хэмээн мэдэгдсэнийг “The Guardian” дамжуулав. 
 Лондоны их сургуулийн коллежийн профессор Кристина Пейжел “EG.5 хувилбарын тархалт нэмэгдсэн, бодвол дархлааны системийг “дийлж” бусад хувилбарыг шахан гаргаж байгаа байх. Гэхдээ хүнд өвчлүүлэхгүй байгаа учраас шинэ давалгаа дэгдсэн ч нөхцөл байдал өмнөх жилүүдээс илүү муудахгүй гэж бодож байна” хэмээжээ.  
Өнгөрсөн 7 хоногт Англид илэрсэн ковидын 15% нь EG.5 болон түүний дэд хувилбар EG5.1 байсан гэж “UKHSA” мэдээллээ. "Орост 17 тохиолдол илэрсэн.... Шинэ хувилбарын шинж тэмдгээс дурдвал ханиах, хамар битүүрэх, нус гоожих, халуурах, хоолой өвдөхөөс гадна цээжин дээр дарж буй мэт мэдрэмж төрдөг" хэмээн Оросын эмч нар сэрэмжлүүлжээ.