Хятадын Гадаад харилцааны яамын албан төлөөлөгч Ван Вэнь Бинь “Манай орны явуулж буй коронавирүсийн эсрэг бодлогыг оновчтой, шинжлэх ухааны үүднээс үнэлж дүгнэхийг Дэлхийн эрүүл мэндийн байгууллагад хандан уриалж байна. Манай улс үргэлж үнэн зөв мэдээлэл өгч цаг тухайд нь  хууль ёсоор ил тод, тунгалаг зарчмаар Талуудтай хуваалцаж ирсэн билээ.... Бээжин цаашид ч ДЭМБ болон бусад олон улсын байгууллагатай мэдээлэл солилцоог хөгжүүлэхэд бэлэн. Цар тахлын эсрэг авч явуулж буй Хятадын бодлогын талаар ДЭМБ бодит байдлыг чин шударгаар өгүүлэх болно гэж бид найдаж байна” гэж мэдэгдлээ. Хятадын эрх баригчид ийнхүү ДЭМБ-ын өмнө гаргасан мэдэгдэлд хариу барив. ДЭМБ-ын тэргүүн Тедрос Гебрейесус өмнө нь “Хятадын эрх баригчид COVID-19-н өвчлөл, нас баралтын талаарх бодит мэдээллийг нуун дарагдуулдаг” гэж шүүмжилсэн юм. 
Нэмж өгүүлэхэд, дүүргүүдэд болон Ахмад настнуудыг асрах газруудад коронавирүсийн эсрэг арга хэмжээг улам нэмэгдүүлж байгаа тухай Хятадын эрх баригчид мэдээлэв. “Нийгмийн бусад объекттой харьцуулахад Хөгшдийг асрах газруудад бид илүү хатуу чанга хяналт тогтоож байгаа. Тодруулбал, өдөрт 2 удаа эрүүл мэндийн байдалд үзлэг хийж, 7 хоногт 2 удаа ПЦР тест, эсвэл коронавирүсийн эсрэг гений тест авдаг” хэмээн Иргэний захиргааны яамны түшмэл Ли Бан Хуа мэдэгдэв. Энэ улс 40 мянга гаруй Ахмадыг асрах газартай, тэнд 2,2 сая гаруй ахмад настан амьдардаг аж.