Израиль улс Ираны газар нутагт орших объектуудад пуужингийн цохилт өгсөн тухай Америкийн түшмэл мэдэгдсэн гэж “ABC News” агентлаг мэдээллээ.
Израиль гэхдээ Сири, Иракт халдсан эсэх нь тодорхойгүй байна. “Манай Исфахан хотод хүчтэй, олон дэлбэрэлт болсон. Исфахан хотын тэнгэрт Ираны Агаараас эсэргүүцэн хамгаалах систем ажиллалаа. Тегеран, Исфахан, Шираз зэрэг том хотуудын агаарын нислэгийг түр зогсоосон" гэж Ираны ХМХ мэдээлснийг “Reuters” агентлаг дамжуулав.
Харин “Fars” агентлаг мэдээлэхдээ “Исфаханд олон улсын нисэх онгоцны буудал болон Ираны Зэвсэгт хүчний Агаарын цэргийн хүчний 8-р баазаас холгүйхэн дэлбэрэлт болжээ” хэмээжээ.