Image description
Сурагчийн аюулгүй байдалд эцэг эх, асран хамгаалагчийн оролцоо" арга хэмжээний хэвлэлийн бага хурал боллоо. Монгол улсын хэмжээнд 2021 онд хүүхэд өртсөн зам тээврийн осол 463 бүртгэгдсэний 240 буюу 51.8 хувь нь Улаанбаатарт 223 буюу 48.2 хувь нь орон нутагт бүртгэгдсэн байна.
Нийслэлд сүүлийн 3 жилийн байдлаар хүүхэд өртсөн зам тээврийн ослын шалтгаан нөхцлөөс харахад явган зорчигч хүүхдийн буруутай үйлдлээс 28,1 хувь нь, жолоочийн буруутай үйлдлээс 67,8 хувь нь, дугуйгаар зорчигч хүүхдийн буруутай үйлдэл 1,7 хувь, эцэг эх асран хамгаалагчийн буруугаас 2,4 хувь нь бүртгэгджээ. Нийслэл хотод зам тээврийн осолд өртсөн хүүхдүүд ихэвчлэн “Гэр-сургууль-цэцэрлэг” гэсэн маршрутаар замын хөдөлгөөнд оролцохдоо осолд өртөж байна. Үүнд:Хүүхэд зам хөндлөн гарахдаа зорчих хэсгийн гарцтай гарамтай хэсгээр зам хөндлөн гараагүй, эцэг эх асран хамгаалагч нь 0-10 хүртэлх насны хүүхдийг харгалзах хүнгүй ганцааранг нь хөдөлгөөнд оролцуулсан, ойртон ирж буй тээврийн хэрэгслийн урдуур гэнэт гүйх, жолооч хөдөлгөөн эхлэхдээ зам орчноо шалгаагүй, зэргээр зам тээврийн осолд ихээхэн өртөж, бэртэж гэмтэж байна.
НЭМҮТ, ЦЕГ, ТЦА, ГССҮТ, БЕГ, МУЗН хамтран "Сурагчийн аюулгүй байдалд эцэг эх, асран хамгаалагчийн оролцоо" арга хэмжээг улсын хэмжээнд зохион байгуулан ажиллаж байна. Тус арга хэмжээний хүрээнд ТЦА-ны хурлын танхимд хэвлэлийн бага хурлыг зохион байгуулав. Хэвлэлийн бага хуралд НЭМҮТ-ийг төлөөлөн тус төвийн ЭМДӨУСА-ны дарга С.Гэрэлмаа "Хүүхэд, өсвөр үеийнхний эрүүл мэндийн тулгамдаж буй асуудал, өнөөгийн байдал" сэдвээр мэдээлэл хүргэлээ.