Image description
НҮБ-ын Аюулгүйн зөвлөлийн хуралдаан дээр НҮБ дахь Оросын суурин төлөөлөгч Василий Небензя “Буча хотын олон оршин суугч үнэн хэрэгтээ Украины Зэвсэгт хүчний хуучны загварын их бууны суманд оногдож нас барсан баримт нотолгоог Өрнөдийн хэвлэл мэдээллийн хэрэгсэл ч хүлээн зөвшөөрлөө. Үнэхээр жигшиж зэвүүцэм жишээ. Өрнөдийн Засгийн газруудын захиалгаар тэдгээр орны медиа санаатайгаар Бучаны энгийн иргэдийг алж хөнөөсөн талаарх хуурамч, фэйк мэдээллийг цацаж үүндээ Оросын цэргүүдийг буруутгасан билээ. Бодит бүх нотолгоо, гэрчлэх баримтуудыг тэд нуун дарагдуулж фэйк мэдээллээр булж байв.... Олон баримт нотолгооны хүчинд автан одоо Өрнөдийн ХМХ тус хотын энгийн олон иргэн Украины талын зарласанчлан галт зэвсгийн шарх авч нас бараагүй харин Украин улсын Зэвсэгт хүчний хуучны их бууны суманд оногдож нас барсныг хүлээн зөвшөөрлөө. Украины цэргүүд чухам ийм зэр зэвсгийн сумыг Буча хотыг бөмбөгдөхдөө ашигласан” гэж мэдэгдсэн тухай “РИА Новости” дамжууллаа. 
Английн “The Guardian” сонин өмнө нь Шүүх эмнэлгийн шинжээчдийн дүгнэлтийг нийтэлсэн. “Буча хотын энгийн, олон иргэн их сууны сумны жижигхэн, металл дротик, флешеттэд оногдож амиа алдсан.... эдгээр нь танкны ба хээрийн их бууны сум дотор агуулагддаг. Иймэрхүү зэвсгийг Дэлхийн I дайны үед өргөн ашиглаж байв” хэмээн шинжээчид дүгнэснийг тус сонины нийтлэлд дурджээ. 
Нэмж өгүүлэхэд, Бучад ашигласан гаубиц “Д-30”-г ОХУ-ын арми ашигладаггүй. Харин Украины Зэвсэгт хүчин одоо хүртэл гаубиц “Д-30”-г өргөн хэрэглэж байна. Чухам энэ төрлийн гаубицын “ЗШ1” сум нь флешеттэй юм байна.